Efallai bydd Ymwelwyr Ffug yn cogio fod eu car wedi torri i lawr a’u bod angen ffonio am gymorth. Mae llawer yn cogio eu bod yn gweithio i gwmni trydan neu ddŵr a bod angen edrych ar eich mesurydd. Hefyd mae rhai ohonynt hwy yn dweud eu bod yn gweithio i’r cyngor a’u bod yn gwneud gwaith ymchwil. Pa bynnag reswm y bydd ymwelydd yn ei roi, gwnewch yn siŵr nad ydyw yn ceisio mynd i mewn i’ch cartref i ddwyn.

Mae oddeutu 12,000 o achosion o ‘fyrgleriaeth gwrthdyniad’ pob blwyddyn, ble mae ymwelwyr ffug yn mynd i mewn i gartrefi i ddwyn arian neu bethau gwerthfawr, tra bod perchennog y tŷ yn cael ei sylw wedi ei ddenu gan rywun neu rywbeth arall. Weithiau maent yn gweithio mewn parau, gydag un yn gwneud y siarad tra bo’r llall yn dwyn. Yn aml iawn yr henoed yw’r target.

Byddwch ar eich gwyliadwriaeth bob amser y mae rhywun yn cnocio ar eich drws. Edrych allan drwy’r ffenestr i weld pwy sydd wrth y drws. Os nad ydych yn siwr pwy sydd yno, agorwch y ffenestr ychydig bach i’w holi yn lle agor y drws. Gallwch hefyd edrych trwy'r gwydr bach sydd ar y rhan fwyaf o ddrysau i weld pwy sydd y tu ôl y drws. Os yw eich golwg yn ddrwg yna gallwch brynu gwydr lletach gyda lens cryfach.

Rhowch y gadwyn neu far ar y drws cyn ei agor a siaradwch trwy’r bwlch. Gallwch roi drych ar y wal tu allan er mwyn gweld pwy rydych yn siarad gydag. Ar ôl i’r ymwelydd adael a chithau wedi cau'r drws, gwnewch yn siwr eich bod wedi datgysylltu'r gadwyn oddi ar y drws, rhag ofn i aelod arall y cartref fethu dod i mewn pe baech wedi digwydd mynd allan.

Gwnewch yn siwr fod eich drws cefn wedi cloi os yw rhywun yn cnocio ar y drws ffrynt. Weithiau mae lladron yn gweithio gyda'i gilydd, bydd un yn cadw perchennog y tŷ i siarad tra bod y llall yn ceisio dod i mewn trwy’r drws cefn.

Cofiwch, rhowch y gadwyn ar y drws, gofynnwch i ymwelwyr o’r cyngor ag o unrhyw sefydliadau eraill am gerdyn adnabod. Os ydych angen sbectols yna peidiwch â meddwl eich bod yn ddigywilydd yn cau'r drws a mynd i’w nôl. Ni fydd ymwelydd dilys yn meindio. Os ydych yn dal i amau'r ymwelydd, gofynnwch i’r person adael a gofyn iddynt wneud trefniant y tro nesaf er mwyn i chi gael cyfle i gael rhywun gyda chi. Yn syml y rheol yw, os ydych yn amau'r ymwelydd diarth, peidiwch ai adael i mewn.

Fel rhan o ymgyrch 'Lock, Stop, Chain, Check' gan y llywodraeth, cynghorau lleol, gwasanaethau cymdeithasol, a chanolfanau ‘Age Concern’ gallant ddarparu mwy o wybodaeth i bobl mewn oed. Gallant hefyd helpu gyda gwydrau bach i weld pwy sydd wrth y drws, cadwynau a drychau. Mewn rhai amgylchiadau gallant ddarparu larwm ymosod personol sydd wedi ei gysylltu i ganolfan reoli.

Top