Peidiwch â meddwl mai dim ond America sydd gyda deddfau gwirion. Yn yr Eidal mae’n drosedd i beidio cael gwen ar eich wyneb tra yn y ddinas Milan, oni bai eich bod yn ymweld â’r ysbyty neu yn mynychu angladd.

Yn ddigon teg, mae’n rhaid cymryd rhai o’r deddfau yma gyda phinsied mawr o halen, ond mae’r neges digon pwysig. Mae gan wledydd eraill ddeddfau gwahanol i’n hunain, a phan rydym yn ymweld â gwlad dramor dylem barchu eu deddfau, er pa mor bitw ydynt.

Fel rhan o ymgyrch ‘Gwybod cyn i chi fynd’ ('Know before you go') gan y swyddfa dramor, maent wedi gwneud rhestr o’r deddfau sydd werth eu nodi. Mae’r rhestr yn cynnwys:

• Mewn rhai gwledydd mae defnyddio camera neu ysbienddrych ger arsefydliad milwrol a llywodraethol wedi ei wahardd. Gall y gosb gynnwys carchar.
  
  
• Yn Singapore mae ysmygu mewn adeiladau cyhoeddus, taflu neu boeri gwm cnoi ar drafnidiaeth gyhoeddus a pheidio fflysio’r toiled yn droseddau dinesig, gall ddiweddu mewn dirwy.
  
  
• Mae ymdrochi yn noeth yn drosedd yn India hyd yn oed mewn canolfannau gwyliau megis Goa. Hefyd mae torheulo heb dop yn erbyn y gyfraith ar y rhan fwyaf o draethau yn Fflorida.
  
  
• Mae yn erbyn y gyfraith i regi neu dynnu ystumiau sarhaus yn gyhoeddus mewn gwledydd megis Bahrain, UAE a Kenya. Os cewch eich dal, gallwch dderbyn dirwy lem iawn.
  
  
• Yng Nghenedl Unedig Yr Arabiaid mae’n drosedd i fwyta, yfed neu ysmygu yn gyhoeddus yn ystod y ‘Ramadan’ o godiad yr haul tan ei fachlud.
  
  
• Am ymdrochi mewn ffynnon yn yr Eidal cewch ffein go ddrud
  

Gwnewch ychydig o waith ymchwil cyn mynd i unrhyw wlad tramor. Mae y rhan fwyaf o ganllawiau gwyliau yn cynnwys gwybodaeth am ddeddfau lleol, gall y rhyngrwyd fod yn defnyddio dros ben ond i chi ymweld ar wefannau cywir. Trïwch wefannau gwybodaeth i dwristiaeth yn gyntaf, hefyd cerwch i adran ‘Country Advice’ ar wefan y Swyddfa Dramor.

Top